Бүген иртән Чаллының 2 нче татар гимназиясе янында билгесез кеше бер укучыны, букчасыннан эләктереп, каядыр алып китмәкче булган. Бәхетенә, малай мәктәп территориясенә кереп кача алган, бу кешенең фотосын ясарга да өлгергән. Малайның әти-әнисе полициягә мөрәҗәгать иткән инде. Мәгълүмат мессенджерларда һәм социаль челтәрләрдә таралды.
Фотодан күренгәнчә, ир-ат озын буйлы, аркасына ак төстәге капчык аскан.
«Барлык әти-әниләрнең сак булуы һәм балаларын кисәтүе сорала», – дип язалар чатларда.