Чаллыга Оренбургтан килгән хатын-кыз унынчы каттан егылып төшеп үлгән
Билгеле, унынчы каттан егылгач исән калу шанслары юк...
Фаҗига 29 апрельдә, төннең беренче яртысында Чаллыда теркәлә. Бу хакта «Челнинские известия» сайты хәбәр итә.
Полиция һәм «ашыгыч ярдәм» бригадасын 11/14 йортка чакырталар. Җирдә биектән егылып төшү билгеләре булган хатын-кыз яткан була. Ул табиблар килгәнче үлгән. 47 яшьлек хатын-кыз Оренбург өлкәсеннән килгән. Шушы йортның 10 катында яшәвен язалар. Рәсми рәвештә беркайда да эшләмәгән.
Килеп чыккан хәлнең нечкәлекләре һәм шартлары әлегә билгеле түгел.