Чаллыда яшәүче ир-ат 6 ел элек сукырая. 5нче хастаханә офтальмохирурглары аңа операция ясарга алына һәм аңа күрү сәләтен кире кайтара. Бу турыда «Челнинские известия» хәбәр итте.
67 яшьлек ир сирәк авыру – «Гийена-Барре синдромы» белән авыру сәбәпле, урын өстенә калган. Бу чир иммун системасы нервыларын зарарлый, кеше хәрәкәтләнә алмый. Өстәвенә, битендәге нервы параличлана, авыз куышлыгында яман шеш үсә, аңа операция ясыйлар. Сул күзе ябылмый, аңа операция ясарга ярамаган. Әмма табиблар уң күзенен күрү сәләтен кайтарырга мөмкин дип табып, операциягә алына.
Офтальмология бүлеге җитәкчесе вазифаларын башкаручы Эльмира Шәрипова, авыру утырып тора алмау сәбәпле, хрусталик сайлау мөмкин түгеллеген әйткән. Операция ясар өчен ювелирларча эш башкарырга кирәк була.
Операцияне ике офтальмолог – Эльмира Шәрипова һәм Тамара Голованова ясый. Ике көннән ир күрә ала башлый. Ул 6 ел буена хатынының йөзен күрү һәм яраткан китапларын уку турында хыялланган, диелә хәбәрдә.
Операция ясаган табиблар
Фото: © Челнинские известия