Чаллыдагы мәктәпләрнең берсендә укучы үсмер малай сыйныфташ кызының күкрәк читлеген сындырган. Бу турыда «Татарстан 24» каналы хәбәр итте.
Укучы балага карата ачылган җинаять эшен Чаллы судына тапшыралар. Ул алдан уйлап сәламәтлеккә зыян китерүдә гаепләнә.
Малай кыз белән озак вакыт дәвамында талашып торуы билгеле. Бер көнне ул кызның күкрәгенә йодрык белән суга.
Табиблар кызның күкрәк читлеге сынуын ачыклый. Баланы хастаханәгә салалар.
Имгәнгән кызның әти-әнисе полициягә мөрәҗәгать иткән. Үсмергә карата җинаять эше ачылган, диелә хәбәрдә.