Чаллы шәһәр судына килгән пенсионер хатынның кул таягы эчендә лезвие яшерелгән булган. Бу турыда «Татарстан 24» Чаллы шәһәр суды матбугат хезмәтенә сылтама белән хәбәр итте.
Әлеге хатын судка авария буенча зыян күрүче буларак килә. Ләкин аның кул таягы эчендә табылдык күпләрне гаҗәпкә калдыра.
Суд приставлары лезвиены тапкач, пенсионеркага карата административ протокол яза. Хатын-кыз сүзләренчә, кул таягы аңа авария вакытында сөяге сыну аркасында кирәк булган. Кул таягын аңа бүләк иткәннәр, ул таяк эчендә лезвие барлыгын белмәвен әйтә, диелә хәбәрдә.
