Чаллыда 19 майда югалган 76 яшьлек Дамир Әхмәтовны үле килеш тапканнар. Аны туганнары, волонтерлар һәм полиция эзләде. Мәете Сидоровка бистәсендә кибет артында, кырда табылган, дип яза «Челниниские известия» сайты.
Дамир Әхмәтов җиде көн элек үлгән. Үлем сәбәбен судмедэкспертиза ачыклаячак.
«Без аны исән килеш табарбыз дип ахыргача өметләндек», – дип сөйләгән волонтерлар.
