Чаллыда «медбрат» булып эшләүче 24 яшьлек Хәкимуллин Булат Айрат улын эзлиләр. Бу хакта «Челны онлайн» Телеграм каналы яза.
Булат 12 сентябрь көнне 10.00 сәгатьтә өеннән чыгып китә. Якыннары һәм туганнары белән элемтәгә керми. Ул Чаллы ашыгыч ярдәм күрсәтү хастаханәсенең нейрохирургия бүлегендә «медбрат» булып эшләгән. Телефонын өйдә калдырган. Шулай ук Булатның якыннары һәм сөйгән кызына хат язып калдыруы билгеле.
Булатка карап торышка 25 яшьләр тирәсе, буе 180-185 см. Уртача гәүдәле, кыска кара чәчле. Аксыл көрән төстәге спорт костюмы, кыска жилет, көрән ботинка кигән, яланбаш.
Булатны күрүчеләрнең 8 927 434-77-88, 8 937 777-67-29 номерлары буенча шалтыратып хәбәр итүләре сорала. Шулай ук «ЧелныПоиск» Василиса» төркеме администраторы Екатерина Денисенкога язарга мөмкин, диелә хәбәрдә.
Фото: © «Челны-онлайн» Телеграм каналы