Чаллыдагы 30нчы бистәдә урнашкан «Камарумс» кунакханәсендә бүген 9.40 сәгатьтә янгын чыккан. Ут телләре бөтен бинаны чолгап алган. Хәвеф урынында янгын сүндерүчеләр эшли.
Коточкыч янгынның фото-видеолары социаль челтәрләрдә таралды. Телеграм-каналлар хәбәр итүенчә, бинадан 70ләп кешене (50 турист һәм 20 хезмәткәр) эвакуацияләгәннәр. Тиз арада бинаны ташлап чыгарга кирәк булу сәбәпле, кешеләрнең кайберләренә яланаяк чыгып йөгерергә туры килгән.
Әлеге минутларда кунакханәнең тулысынча янып бетүен хәбәр итәләр.
Кунакханә «дүрт йолдызлы».
