Бу көннәрдә һава торышы кагыйдәләре буенча яшибез. Бөкеләр аркасында иртән вакытында эшкә барып җитү дә авырлашты. Автобус, такси, җиңел машина – нәрсәдә барсаң да, бөкедә утырасы.
Кичә Чаллыда бер пар көчкә ЗАГСка барып җиткән. Бу турыда «Челнинские известия» газетасы яза.
Тукай районы ЗАГСында бер генә парны көткәннәр. Кияү машинадан шалтыратып, кәләше белән ярты сәгатькә соңга калачакларын әйткән.
Газетага хәбәр итүләренчә, 30 гыйнварда, никах теркәргә теләүчеләр башка булмаган. Күрәсең, һава торышын алдан сизгәннәрдер.