Яр Чаллыда яшәүче 33 яшьлек хатын өйдә генә эшли торган эш тапкан. Шартлар катлаулы булмаган: төрле товарлар битендә лайклар куярга кирәк булган. Шуннан соң эш бирүче аңа товар сатып алуны йөкли һәм ул акчаны зур процентлары белән кайтарырга вәгъдә итә. Яшь хуҗабикә күрсәтелгән 2 банк картасы счетына 80,5 мең сум күчерә. Әмма акчалар мошенникларда кала.
«Урлау» маддәсе буенча җинаять эше кузгатылган, дип яза «Челнинские известия».