Чаллыда өч бала трамвай түбәсенә утырып йөргән. Аларны видеога төшергәннәр. Язманы шәһәрнең интернет-берләшмәләренең берсендә урнаштырганнар, дип яза «Татар-информ».
Кадрларда малайларның башта трамвай тукталышы павильоны түбәсендә басып торуы, аннары трамвай түбәсенә сикереп менүе күренә.
«Мондый сәяхәт фаҗига белән тәмамланырга мөмкин иде», – дип язган видео авторы.