Чаллы табиблары җенес органында ручка кысылып калган егеткә операция ясаган
Егет ике көн җенес әгъзасындагы ручка белән йөргән.
5 июль көнне Чаллының 5 нче шәһәр хастаханәсенең урология бүлегенә 25 яшьлек егет мөрәҗәгать иткән. Аның әйтүенчә, ике көн элек җенес әгъзасына ручка кергән булган. Ул ручканы үзе ала алмаган, алмакчы булганда ялгыш аны тагын да эчкәрәк төртеп кертеп җибәргән. Нәтиҗәдә, җенес әгъзасы шешкән һәм авырта башлагач, түзә алмыйча хастаханәгә барган, дип яза «Комсомольская правда».
Табиблар ашыгыч рәвештә егеткә операция ясаган.
«Ручканың киң өлеше җенес әгъзасының «ладьевидная ямка» (сидек чыга торган өлеше) өлешендә төртелеп калган. Без уретраны скальпель белән кистек һәм ручканың ике өлешен алдык. Соңыннан яраның кырыйларын тектек һәм бәйләдек», - дигән хастаханәнең баш хирургы Рөстәм Габдрахманов.
Хәзер пациентның хәле яхшы, киләчәктә аның балалары булуына шик-шөбһә юк, диелә хәбәрдә.
Телеграм-каналларда бу хәбәргә кешеләр шаккаткан. «Ике генә сорау – ничек һәм нигә?» дип язганнар.
Табиблар егетнең җенес органыннан шушы ручканы алган.
Фото: © Чаллы шәһәренең Сәламәтлек саклау идарәсе