Узган ялларда Чаллы мэры ярминкәгә чыккан. Анда ул әнисенә ипи сатып алган. Социаль челтәрдәге «Новости Татарстана» төркеме ярминкәдә төшерелгән видео куйган.
«Бу – сезнең хезмәтегез бит. Бүген әнкәй янына барам. Әнкәй авыл ипиен ярата», – ди җитәкче.
Видеода күренгәнчә, сатучы, «әбигә чәй эчәргә» дип, сырганак кайнатмасы да бирә.
«Менә ичмасам бу – мәгънәле җитәкче. Гади халыкның хезмәтен күрә, хөрмәт итә белә», «Искитмәле кеше, җитәкче», – дип комментарий калдырган видеоны караучылар.
«Сдачасын алды», – дип тә аптыраган берәү.