Чаллы гаиләсе күрше төбәктән кунактан кайтып килгәндә авариягә очраган, әниләре үлгән

Чаллыда яшәүче 38 яшьлек Римма Йосыпова Башкортстанда авариядә һәлак булган. Аны әти-әнисенең туган ягында – Башкортстанда җирләгәннәр. Бу турыда «Челнинские известия» хәбәр итте.

Римма Йосыпова «УК Центральный» оешмасында офис-менеджер булып эшли. Ял көннәрендә ул гаиләсе белән әти-әнисе янына кунакка бара. Кунактан кайтып килешли алар авариягә очрый.

Башкортстан буенча ЮХИДИ хәбәр иткәнчә, 17 апрельдә Илеш районында көндезге уннар тирәсендә Мәскәү-Уфа трассасында авария була. Биредә «Рено Сандеро» машинасы каршыга килә торган «Фольксваген Поло» белән бәрелешә. «Рено» белән 51 яшьлек ир-ат идарә итә. Чаллы гаиләсе исә «Фольксваген Поло» машинасында була.

Римманың ире машина белән идарә иткән, ул имгәнмәгән. Римма үзе пассажир утыргычында була, ул җитди имгәнә һәм табиблар тырышлыгына карамастан, хастаханәдә вафат була. Аның 8 яшьлек кыз да имгәнә, аны хастаханә табиблары карагач, өенә җибәрәләр.

Тикшерү эшләре бара, диелә хәбәрдә.