«КамАЗ» ГАҖ генераль директорының киңәшчесе Фәйзулла Хөсниев вафат булган. Аң 56 яшь иде. Бу турыда «Вести КамАЗа» хәбәр итте.
Якынча белешмә буенча, ул инфаркттан үлгән.
Фәйзулла Хөсниев «КамАЗ»га 2015 елда килә. Ул полициядә эшләп, отставкага чыккач, «Татэлектромаш»та иминлек хезмәте җитәкчесе була.
10 ел дәвамында – 2003-2013 елларда – Фәйзулла Хөсниев Эчке эшләр министрлыгының Чаллы буенча идарәсе белән җитәкчелек итә. Ул эшләгән чорда билгеле җинаятьчел төркемнәрне – «29-й комплекс», «Тагирьяновские», «Боксеры» һәм башкаларны юк итәләр.
«КамАЗ» ГАҖ җитәкчелеге һәм коллективы мәрхүмнең якыннарының кайгысын уртаклаша, диелә хәбәрдә.