Чаллы батыры Ранис Гыйләҗетдинов Екатеринбургтан Татарстан Рәисе бүләген алып кайткан
Чаллы Сабан туенда 2025 елда батыр калган Ранис Гыйләҗетдинов Екатеринбургта да көрәштә җиңү яулады. Өлкә күләмендә уздырылган бу Сабантуйда төп приз Татарстан Республикасы Рәисе исеменнән «Лада Гранта» автомобиле булган. Баш батыр яңа автомобилендә Чаллыга кайтып җиткән инде. Бу турыда «Челнинские известия» хәбәр итте.
Бәйрәмдә Екатеринбург, Төмән, Башкортстан һәм Татарстан көрәшчеләре бил алышкан. Финалда Ранис Гыйләҗетдинов һәм Рөстәм Сәлахов көрәшкән. Көч сынашуда Ранис Гыйләҗетдинов җиңеп чыккан.
Екатеринбургта өлкә Сабантуйлары 2005 елдан бирде үткәрелә.
