Ябыгыр өчен чәй яки кофега берничә төрле әйбер кушып эчәргә була. Бу турыда StarHit яза.
Кокос мае авырлыкны киметергә ярдәм итә, ул озак вакытка туенган хис тудыра, аның термоген үзлекләре майның таркалуын тизләтә. Кокос маен кофега 1 чәй кашыгы салыгыз, ул үзенчәлеклә тәм һәм ис бирер.
Чәй яки кофега лимон согы кушарга була. Ләкин лимон кисәген кап-кайнар эчемлеккә салмагыз, юкса С витамины таркалып бетәр. Ул бик көчле антиоксидант, күзәнәкләрне һәм тукымаларны саклый, коллаген ясалуны стимуллаштыра. Кофега лимон салсаң, метаболизм да тизләнә.
Корица – аны эчемлекләргә ялкынсынуга каршы эффект булсын өчен салалар. Шул ук вакытта ул канда шикәр күләмен стабильләштерә.
Тагын бер көчле антиоксидант – кардомон, ул майны актив тарката. Бу тәмләткеч холестерин таркалуны һәм организмнан чыгарылуны стимуллаштыра, иммун системаны ныгыта, диелә хәбәрдә.
