Җырчы Чәчкә үзенең иң танылган һәм тамашачылар арасында зур популярлык казанган «Кабәхәт» җырына яңа сулыш өргән. Җырның яңартылган версиясе барлык музыкаль мәйданчыкларда дөнья күрде.
«Ниһаять, күпләрнең телендә булган «Кабәхәт» җыры! Рәхәтләнеп тыңлагыз, «кабәхәт»ләрегезгә тыңлатыгыз, аларны комментарийларда билгеләгез! Парлы булып, гөр-гөр килеп яшәгез», – дип язган җырчы.
Әлеге җыр, әлбәттә инде, аның тамашачыларына яшьлек авазы булып яңгыраган. «Мин кечкекенә чакта апа елый-елый, акыртып тыңлый иде бу җырны», «Егетемә ачулы булганда тыңлый идем. Рәхмәт, искиткеч җыр һәм башкаручы», «Бу бит минем ирем турындагы җыр» «Яшь чакка алып кайтты», – дип язалар алар.