Бүген иртән Чувашиягә беспилотниклар һөҗүм иткән. Чабаксар шәһәрендә зыян күрүчеләр саны 14кә җитте, шуларның берсе – бала. Бу турыда Чувашия вице-премьеры Владимир Степанов телеграм-каналында яза.
«11.00 сәгатькә оператив белешмә буенча, бүген БПЛА һөҗүме нәтиҗәсендә Чабаксарда зыян күрүчеләр саны 14кә җитте, шуларның берсе – бала. Аларның барысына да тиешле медицина ярдәме күрсәтелә. Экстрен хезмәтләр һөҗүм нәтиҗәләрен оператив бетерә һәм халыкның иминлеген тәэмин итә», – дип язган Степанов.