5 гыйнварда көндез Чабаксарда күп фатирлы йортта янгында 21 кеше зыян күргән. Янгын чыккан фатир хуҗасын тоткарлаганнар. Бу турыда РЕН ТВ хәбәр итте.
«Аны полиция бүлегенә китерделәр. Ул аңлатма бирми, чөнки алкогольдән исерек», – дигән хокук саклау органы вәкиле.
Янгын тугыз катлы йортның икенче каттагы фатирда башлана. Ут 20 квадрат метр мәйданда була. Йорттан 26 кешене эвакуацияләгәннәр.
РЕН ТВ чыганагы белешмәсе буенча, зыян күрүчеләрнең күбесе ис газы белән агуланган. 14 кешегә урында ук ярдәм күрсәткәннәр.
«8 кешене хастаханәгә салдылар, шул исәптән 4 бала», – дигән РЕН ТВ чыганагы.