Бүген Менделеевск районы башкарма комитетында узган киңәшмәдә муниципалитет җитәкчесе Радмир Беляев үз карамагындагы территориядә 2023 елгы Яңа ел корпоративларыннан һәм салюттан баш тарту турында әйтте. Бу хакта «Комсомольская правда» сайты яза.
Моның урынына түрәләр бар көчләрен балалар өчен чаралар уздыруга юнәлтәчәк. Мобилизацияләнгәннәрнең һәм хәрби хезмәттәгеләрнең балаларын кайгырту планлаштырылган. Алар өчен Менделеевск районында өстәмә рәвештә район башлыгының Чыршы бәйрәме уздырылачак. Анда шулай ук хокук саклау органнары, прокуратура, УФСИН һәм приставлар хезмәткәрләренең балалары да чакырыла.
Моннан тыш, мобилизацияләнгән гражданнарның балалары өчен «Теләкләр чыршысы» акциясе дә уздырыла. Җирле түрәләр, депутатлар һәм оешма директорлары балаларның теләкләрен үтәячәк.
Менделеевск шәһәрендә урамнарны һәм җәмәгать транспортын Яңа елга бизи башлаганнар. Бу эшләр 10 декабрьгә кадәр төгәлләнергә тиеш.