1 гыйнвардан башлап, 2022-2025 елларда гамәлдән чыккан машина йөртү таныклыгын алмаштыруның яңа тәртибе гамәлгә керде. Бу турыда «Радио 1» хәбәр итте.
Срогы 2022-2025 елларда чыга торган машина йөртү таныклыкларын автомат рәвештә 3 елга озайттылар, бу озайту Россия территориясендә генә гамәлдә. Шул ук вакытта, таныклыкларда бернинди билгеләр куелмый, һәм таныклыкны мәҗбүри алыштыру кирәкми. Мондый таныклык яңа датага кадәр гамәлдә кала. Бу турыда Дәүләт Думасының кече һәм урта бизнес буенча комитет әгъзасы Алексей Говырин сөйләгән.
Ләкин бу озайту 2026 елның 1 гыйнварыннан соң срогы тәмамланган документларга кагылмый. Бу очракта таныклыкны алыштыру гадәти процедура буенча башкарылырга тиеш.
Әгәр таныклык срогы инде тәмамланган булса, аны алыштыру мәҗбүри. Алыштыру өчен медицина тикшерүе узарга кирәк, әмма имтиханнар тапшырасы булмый.
Машина белән идарә итү хокукына бәйле проблемалар чыкмасын өчен, Алексей Говырин машина йөртү таныклыгының срогын алдан тикшереп торырга киңәш итте, диелә хәбәрдә.