Татарстан синоптиклары 2023-2024 елгы көз-кыш сезонына фаразлар чыгарды. Бу турыда «Челнинские известия» яза.
Метеорологлар белешмәсе буенча, октябрьдә температура нормадан югарырак була, уртача күрсәткеч +4,9 градус тәшкил итә. Ноябрь, декабрь һәм гыйнварда температура нормада – -2,7, -8,9, - 10,9 булыр дип көтелә.
Февральдә температура нормадан югарырак булуы ихтимал – уртача -10,7 градус.
Мартта һава торышы нормада – уртача айлык температура -4,2 градус көтелә.
Салкын чорда айлык, ункөнлек һәм кыска вакытлы күрсәткечләр буенча һава торышы фаразына төзәтмәләр кертеләчәк, диелә хәбәрдә.