Быел Россиягә көз җылы килә. 7 сентябрьгә кадәр Чукоткадан кала илнең бөтен территориясендә диярлек нормадан югарырак температура фаразлана. Бу хакта Россия Гидрометеорология үзәге фәнни җитәкчесе Роман Вильфанд сөйләде, дип яза РИА Новости.
«10 көнгә, ягъни 29 августтан 7 сентябрьгә кадәр, һава торышы фаразын карыйк. Температура нормадан югарырак була. Чукоткада гына һава температурасы норма тирәсендә көтелә. Гомумән, ил халкын көз бик җылы сәламләячәк, салкын һава торышы көтелми», – диде синоптик.