Быел чыгарылыш сыйныфлар йомгаклау иншасын нинди темаларга язачак?

Быел чыгарылыш сыйныф укучылары язачак йомгаклау иншасы темалары билгеле. Бу турыда «Учительская газета» яза.

1. Сәяхәт итүче кеше: кеше тормышында юл (юл чын була ала, ул тормыш юлы буларак та ачыла ала, тема әдәби әсәрләр мотивында формалаштырылырга мөмкин).

2. Цивилизация һәм технологияләр — котылу, чакыру яки фаҗигаме? (Цивилизация үсеше, аның казанышлары һәм куркынычлары турында фикерләү).

3. Җинаять һәм җәза — мәңгелек тема (җинаять һәм җәза социаль һәм әхлакый феномен буларак карала, намус һәм оят, җаваплылык һәм тәүбә итү турында фикерләү).

4. Китап (музыка, спектакль, фильм) — минем турында (укучы яки аның якыннары өчен шәхси әһәмияткә ия булган сәнгать әсәре турында фикерләү).

5. Русьтә кемгә яшәү рәхәт? — гражданин соравы (социаль гөнаһлар, гаделлек, җәмгыятьне камилләштерү, үзара ярдәмләшү турында фикерләү).

Бу — темалар өчен юнәлешләр генә. Инша темалары тәкъдим ителгән юнәлешләр буенча формалаштырыла, диелә хәбәрдә.