2025 елда Россиядә җәй иртә киләчәк. Бу турыда «Метео» фаразлау үзәге җитәкчесе Александр Шувалов әйткән. 360.ru порталы шулай дип яза.
«2025 елда җәй иртәрәк киләчәк, дип уйлап була. Шундый тенденция бар – елдан-ел җәйге чор дәвамлылыгы арта», – ди Шувалов.
Аның сүзләренчә, «быел җәй салкын булу ихтималы 30 процент, калган шанслар – нормаль яки эссе җәй. Экстремаль күренешләр турында кыска сроклы фаразларда гына әйтеп була».
Шувалов искәрткәнчә, хәзер озак вакытка фаразлар хаталы да булырга мөмкин. Чөнки элек безнең илдә мондый җылы кышлар юк иде. Соңгы дистә елларда Россия территориясендә экстремаль һава торышы вакыйгалары 25 процентка артты, ди ул.