Бурычын кайтармаган хатынның ун айлык баласын урлаганнар
Соңрак кыз баланы полициягә китереп биргәннәр.
Ленинград өлкәсенең Всеволжский районында яшәүче хатын полициягә мөрәҗәгать иткән. Ул баласын урлауларын әйткән. Бу турыда төбәк буенча Эчке эшләр министрлыгына сылтама белән РБК хәбәр итә.
Хатын сүзләренчә, вакыйга 17 февраль кичендә була. Аның өенә ике танышы килә. Бу кешеләр хатыннан әҗәтен кайтаруны таләп итә. «Хатынның акчасы булмый һәм ул әҗәтне кайтарудан баш тарта. Шуннан соң хатынның ун айлык баласын алып киткәннәр, дигән хәбәр бар», — дип аңлатканнар Эчке эшләр министрлыгының баш идарәсендә.
Вакыйга булган көнне үк хатын полициягә мөрәҗәгать иткән.
Соңрак баланы полиция бүлекләренең берсенә китергәннәр. Сабыйны әти-әнисенә кайтарганнар. Полиция бу вакыйга буенча тикшерү оештырган. Мөрәҗәгать итүче хатынның әҗәте ничә сум булганы турында полициядә ачыклап әйтмәгәннәр.