Бурятиядә самолетның җиргә утырганда бәрелеп яна башлаган мизгелен пассажир телефонына төшергән - видео

Бурятиянең Нижнеангарск шәһәрендә пассажир самолеты җиргә төшеп утырганда һәлакәткә юлыкты. Республиканың башкаласы - Улан-Удэ шәһәренә очып киткән самолетның двигателе эшләми башлый. Очучылар кире аэропортка төшеп утырырга дигән карарга килә. Әмма самолет төшеп туктаганда полосадан чыга, бетон белән капланмаган җир өстеннән бара һәм чистарту корылмаларына бәрелеп, яна башлый. Видео "РИА Новости" сайтына куелган.

Ике очучы һәлак була. 21 кеше хастаханәгә эләккән. Самолетта 43 пассажир булган.

Комментарийлар (0)