Бурятиядә авиаһәлакәт: аэропортка төшеп утырганда 43 пассажир утырган самолетка ут капкан

Бурятиянең Нижнеангарск шәһәр аэропортына "Ангара" авиакомпаниясенең Ан-24 пассажир самолеты аварияле рәвештә төшеп утырган. Бу хакта Бурятия башлыгының матбугат секретаре Алексей Фишев РИА Новостига хәбәр иткән.

Ике очучы да һәлак булган. 19 кеше хастаханәләргә озатылган. Самолетта 43 пассажир, шул исәптән бер бала булуы мәгълүм.

Республика башлыгы каза күрүчеләргә ярдәм күрсәтеләчәген әйткән.

Самолет бүген иртән Нижнеангарсктан Улан-Удэга очып китә. Аның бер двигателе туктый, экипаж кире аэропортка кайтырга дигән карар кабул итә. Әлегә билгеле булганча, самолет очып китү-туктау полосасында туктап кала алмый, 100 метр тирәсе баргач чистарту корылмаларына бәрелә һәм яна башлый.

Җинаять эше кузгатылган.

Социаль челтәрләрдәге фотолар:

Комментарийлар (0)