Булат Җиһаншин белән Алсу Әбелханова дуэт яздырган
«Күренгәлә» җырын инстачылар актуаль, бүгенге заманага туры килә торган җыр дип бәяләгән.
Булат Җиһаншин белән Алсу Әбелханова «Күренгәлә» дигән җырга дуэт яздырган. Аның көен Булат Җиһаншин үзе иҗат иткән, ә сүзләрен Айдар Минһаҗев язган.
Алсу Әбелханова җырны инстаграмга куйган. «Әгәр сөйгән ярыгыз белән аерылышырга туры килсә, сезгә ничек җайлырак? Күрешмәскәме? Ерактан булса да сөйгәнеңне күзәтеп торыргамы? Миңа, мәсәлән, бөтенләй күздән югалту җиңелрәк», — дип язган ул.
«Хәзерге заман җыры. Мәхәббәтнең гомерләре кыска», «Шәп җыр», — дип бәя биргән инстачылар дуэтка.