Булат Бәйрәмов белән Ләйсән Гыймаеваның олы кызлары Таңсылу яңа җырын тәкъдим итте
Булат Бәйрәмов белән Ләйсән Гыймаеваның олы кызлары Таңсылуның «Ак тамгалы сүзең» дигән яңа җыры барлык музыкаль мәйданчыкларга чыкты.
Җырның авторлары – Айгөл Вәлиуллина һәм Гүзәлия.
«Кызым, Таңсылу, уңышлар телибез сиңа, тырышсаң, барысы да яхшы булыр. Беренче мәхәббәтне искә төшерә торган җыр», – дип язган иҗади гаилә.
«Бик матур җыр. Таңсылу бик оста башкара, җырларын үлеп яратам. Уңышлар, алкышлар матур, акыллы кызга»;
«Бик тә яратып тыңлыйм, тавышы күңелгә ятышлы. Әйдә, алга!»;
«Матур җырлый. Җанга җылылык өсти торган йомшак, моңлы тавышлы Таңсылуга унышлар телим», – кебек комментарийлар язган җырны тыңлаучылар.
