Булат Бәйрәмов белән Ләйсән Гыймаева төпчек кызлары Зәйнәпне авылда бозау белән таныштырган. Җырчы яңа видеога «Шәһәр баласы беренче тапкыр авылда бозау күрә» дип исем биргән.
«Әйдә бозау янына барып киләбез», – ди җырчы кызына.
«Мин аны күрдем инде. Аны ашатырга кирәк. Ул тешләргә мөмкин. Аның имиеюк», – дип сөйләнеп нәни кыз чирәм җыя.
«Имие юк, ул бит әле нәни», – ди Ләйсән.
«Ул бит үгезбозау, малай», – дип ачыклык кертә Булат.
«Баласы гына түгел, әнисе дә беренче тапкыр күрә бугай. Үгезне танымый», – дип комментарий калдырган берәү.
Видеода күренгәнчә, нәни кызчык ерактан гына бозауга чирәм бирә дә куркып йөгерә.