«ТМТВ» телеканалында «Тәмле көрәш» тапшыруын алып баручы Булат Бәйрәмовтан бик җиңел әзерләнә торган тәмле кесальдия рецептын тәкъдим итәбез.
Ингредиентлар: гөмбә, тавык ите, сыр, ләвәш, тоз, борыч, тәмләткеч (прованские травы), майонез, кетчуп.
Эш барышы:
Гөмбәне белән тавык итен үсемлек маенда кыздырырга, тәмләткечләр салырга кирәк;
Сырны вак угычтан уарга;
Майонез белән кетчупны кушарга да, пешкән тавык һәм гөмбә өстенә салып аерым савытта болгатырга;
Ләвәш өстенә юка итеп сырны җәяргә;
Ләвәшнең яртысына тавыклы-гөмбәле массаны салырга, ә икенче яртысы бн капларга;
Майлы табада ике ягыннан сыр эрегәнче кыздырып алырга.
Кесадилья әзер! Тәмле булсын!