Булат Бәйрәмов кеше көлдерә торган видеоларын ничек төшергәнен күрсәтте
Алар кайвакыт 10ар дубль ясый икән.
Шоумен Булат Бәйрәмов белән хатыны Ләйсән Гыймаева төрле темага видеолар төшереп, инстачыларның күңелен күрә.
Видеоларда алар бик җитди күренә. Бактың исә, алар үзләре көлешеп туйгач яки 10 дубль ясагач кына виртуаль дусларына тәкъдим итәләр икән.
«10 дубль. Башта үзебез көлеп туймыйча, яхшы видео төшереп булмый», — дип язган Булат Бәйрәмов.
Иҗади гаиләнең виртуаль дуслары бу видеоны да яраткан. «Баш тапкыр карадым», «Кәефне күтәргән өчен рәхмәт», «Ләйсән тәмләп көлә», - дип комментарий язган алар.
