Булат Бәйрәмов белән Ләйсән Гыймаеваның җәй көне төшерелгән клибы чыкты
Иҗади гаилә «Яратмыйсың, яратам» дигән шаян җырны башкара.
Булат Бәйрәмов белән Ләйсән Гыймаева «Яратмыйсың, яратам» дигән шаян җырына клип төшергән. Бу хакта Ләйсән Гыймаева үз сәхифәсендә хәбәр итә.
Җырның авторлары — Альбина Бәширова белән Хәмит Кәримов.
«Иҗат җимешебез сезнең күңелләргә хуш килер дип өметләнеп калабыз», — дип язган җырчы.
Бу шаян җыр күпләрнең яраткан җырына әверелгән. «Җырыгыз да, клибыгыз да күңелле, кызык һәм дә тормышчан! Күңел төшенкелегенә бирелмәскә менә дигән җыр, клип! Рәхәтләнеп тыңлыйбыз һәм дә карыйк әле», — дип язган тамашачылар.