![Булат әти-әнисенә пычак белән ташланган](https://intertat.tatar/resize/shd/images/uploads/news/2023/12/28/d910df0fc504268f2e51cda260877316.jpg)
Свердловск өлкәсендә фаҗига булган. Анда II төркем инвалидлыгы булган 37 яшьлек Булат А. пенсионер әти- әнисенә пычак белән ташланган. Атасы (65 яшь) вафат булган, табиблар ананың (64 яшь) гомерен саклап калырга тырыша.
Бу хәл Югары Пышма шәһәрендә була. Гаилә фатирда яшәгән. Барысы да пенсионерлар.
«SHOT» телеграм-каналы мәгълүматлары буенча, кичен гаилә көнкүреш мәсьәләсе аркасында талаша башлый, шуннан соң ир-ат, кухнядан пычак алып, әти-әнисенә ташлана.
Пенсионерлар подъездга чыгып, улын тыштан бикләп куя ала. Күршеләре «ашыгыч ярдәм» чакырта.
Ата кеше соңрак вафат була, аның күкрәк читлеге һәм бот сөяге яралана. Ана кеше хәзер реанимациядә, аның җәрәхәтләре билендә.
Һөҗүм итүче тоткарланган, сорау алу вакытында ул дәшми утырган. «Үтерү» һәм «Үтерүгә омтылу» маддәләре буенча җинаять эше кузгатылган. Ир-атка 15 елдан артык колония яный.