Иртәгә, 4 августта, Татарстан территориясендә һава торышы кабат начараячак. Бу хакта Татарстан Гидрометеорология үзәге хәбәр итә.
Төнлә республиканың кайбер районнарында яшенле яңгыр көтелә. Җилнең тизлеге 15–18 м/ска кадәр көчәергә мөмкин.
Бофорт шкаласы буенча, 13,9–17,1 м/с тизлектәге җил – көчле җил, ә 17,2–20,7 м/с тизлектәге җил – бик көчле җил дип санала.
Моннан тыш, төнге һәм иртәнге сәгатьләрдә урыны белән томан төшүе дә фаразлана.