Бүген, 19 сентябрьдә, Татарстанда җылы һәм коры һава торышы сакланачак. Бу хакта ТР Гидрометеорология үзәге хәбәр итә.
Республикада болытлы һава торышы көтелә. Явым-төшем ихтималы аз. Иртән кайбер урыннарда, шул исәптән Казанда, төнлә төшкән томан сакланачак.
Көньяк-көнбатыштан искән җилнең тизлеге секундына 5–9 метрдан артмаячак.
Татарстанда көндез һава +18..+23 градуска кадәр җылыначак. Республика башкаласында +19..+21 градус булыр, дип көтелә.