Бүген Татарстанда алмашынучан болытлы һава көтелә. Явым-төшем көтелми. Төнлә һәм иртән урыны белән томан булуы ихтимал, дип хәбәр итә ТР Гидрометеорология үзәге.
Төнлә республика буенча термометр баганалары +2...-2 градуска кадәр төшәчәк, урыны белән -5 градуска кадәр суытачак. Көндез һава +8...+13 градуска кадәр җылына.
Казанда төнлә 0...+2 градус көтелә, түбәнлекләрдә – -2 градуска кадәр. Көндез +10...+12 градуска кадәр җылыта.