Татарстан Рәисе Рөстәм Миңнеханов бүген, 28 сентябрьдә, Татарстан Республикасының эчке һәм тышкы хәле турында Дәүләт Советына еллык юллама белән мөрәҗәгать итәчәк. Чара VII чакырылыш парламентның 23нче утырышы кысаларында узачак.
Утырыш Салих Сәйдәшев исемендәге Дәүләт зур концерт залында узачак, ул 10 сәгатьтә башланачак. Узган еллардагы кебек үк, Миңнехановның чыгышы радио һәм телевидение аша туры эфирда трансляцияләнә.
Чарага Татарстандагы хакимиятнең барлык тармаклары җитәкчеләре һәм федераль хакимият органнары вәкилләре, шулай ук сәнәгать предприятиеләре җитәкчеләре, сәламәтлек саклау, мәгариф һәм фән өлкәләре вәкилләре, иҗади интеллигенция, кече һәм урта бизнес предприятиеләре җитәкчеләре, сәяси партияләр, иҗтимагый берләшмәләр, дини конфессияләр һәм республикадагы барлык муниципаль берәмлекләр вәкилләре чакырылган.