Бүген өченче каттагы парковкадан төшкән BMW машинасында ике олы кеше һәм бала үлгән
видеодан скриншот
Краснодар шәһәрендә парковкадан төшеп киткән BMW машинасында 2 олы кеше һәм 1 бала үлгән. Бу турыда Краснодар крае буенча Эчке эшләр министрлыгы хәбәр итте.
Фаҗига сәүдә үзәгендәге күпкатлы парковкада бүген 12. 09 сәгатьтә була. Машина өченче каттан урамга, автомобильләр хәрәкәт итә торган юлга килеп төшә.
«Салонда 37 яшьлек йөртүче ир-ат, пассажир хатын-кыз һәм балигъ булмаган яшьтәге малай урында ук һәлак була», – дигәннәр ведомствода.
Тикшерү бара, диелә хәбәрдә.