Чиләбе өлкәсендә юл һәлакәтендә 4 кеше үлгән, 3 кеше имгәнгән. Бу турыда төбәк буенча Дәүләт авто инспекциясенә сылтама белән РЕН ТВ хәбәр итте.
Фаҗига 4 июньдә М5 Урал «Мәскәү-Чиләбе» юлында була. Биредә микроавтобус коммуналь техникага бәрелә.
Якынча белешмә буенча, «Toyota Hiace» машинасы белән 1974 елда туган ир-ат идарә итә. Ул, билгесез сәбәпләр аркасында, юл эшләре башкара торган техникага килеп бәрелә.
Авариядә «Тойота» йөртүчесе, аның 3 пассажиры урында ук үлә. Тагын 3 пассажирны хастаханәгә илткәннәр.
Фаҗига 13.17 сәгатьтә була. Мәрхүмнәрнең шәхесе ачыклана, дип хәбәр ителә Чиләбе өлкәсе буенча ДАИ телеграм-каналында.