Башкортстанның Белорет шәһәрендә яшәүче хатын-кыз буада сулыкта батып үлгән. Бу турыда Башкортстан буенча Гадәттән тыш очраклар комитетына сылтама белән «Башинформ» хәбәр итте.
Фаҗига бүген иртән Белорет шәһәрендәге буада була. Мәрхүмә хатын эте белән йөрергә чыга. Ул сулык өстендәге бозга керә һәм төшеп китә.
Шаһитлар экстрен хезмәтләргә хәбәр итә.
«Урынга килгән коткаручылар суда этне күреп ала. Алар этне алып чыга. Аннары эзләү эшләре башлана. Кызганычка, 1977 елда туган хатын мәете су астыннан табыла», дигәннәр ведомствода.