Барлык язмалар news_header_top_970_100
news_header_bot_970_100
Язманы тыңлагыз

Бүген Алабугада дельтаплан белән һәлакәткә очраган кеше Чаллы эшмәкәре булган

news_top_970_100
Бүген Алабугада дельтаплан белән һәлакәткә очраган кеше Чаллы эшмәкәре булган
Тикшерү комитеты

Бүген көндез Алабуга районында дельтаплан һәлакәткә очрады. Үлгән очучы – Чаллыдагы «ДельтаАгроСервис» компаниясе җитәкчесе Валерий Маракин булган. Бу турыда Chelny-biz.ru хәбәр итте.

Мәрхүм эшмәкәрнең оешмасы «Яңа Юраш» агрофирмасы белән берничә ел хезмәттәшлек иткән. Компания директоры – тәҗрибәле пилот, ул үзе кырларны эшкәртеп йөргән.

Ир-ат үзлектән ясалган оча торган аппаратта була. Якынча белешмә буенча, дельтаплан бүген кырларны гербицидлар белән эшкәртеп йөри. Әлмәт авылы тирәсендә ул егылып төшә. 66 яшьлек пилот урында ук һәлак була.

Фаҗиганең сәбәпләре ачыклана. Бу турыда «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Россия Тикшерү комитетының Үзәк төбәкара транспортта тикшерү идарәсе матбугат хезмәтендә искәртүләренчә, әлеге факт буенча тикшерү башланган. Тикшерүчеләр фаҗига булган һәм дельтаплан һавага күтәрелгән урынны карый.

Фаҗига маневр ясаган вакытта очкыч белән идарә итүдә хата җибәрү, техника эшендә тоткарлык барлыкка килү яки начар һава шартлары аркасында килеп чыккан дип фаразлана.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100