Бугаз төене ник кирәк һәм ни өчен ул кызларда булмый?

Бугаз төене (русча кадык, «адамово яблоко» дип тә йөртәләр) егетләрдә була, ә кызларда беркайчан да булмый. Ул ябышып үскән ике кимерчәктән тора һәм тавыш ярыларын, калкансыман бизне һәм йоткылыкны саклагыч функция үти. Бу турыда фактлар сайтында язылган.

Хатын-кызларда һәм балаларда бугаз төене күренеп тормый. Балачакта кимерчәкләрнең үзара авышлык почмагы очлы булмый, шуңа күрә күренеп тормый. Җенси өлгерү вакытында актив үскәндә үсмерләрдә бу почмак бик очлы булып формалаша һәм бугаз төене тырпаеп тора башлый.

Хатын-кызларда исә йоткылык акрынрак формалаша һәм кимерчәкләр зуррак почмак ясап ябыша.

Бугаз төене зурайган саен, малайларның тавышы калыная, тавыш ярылары озыная һәм тартыла. Шуңа күрә бугаз төене зур булган егетләрнең тавышы калын һәм түбән, хатын-кызларның һәм балаларның тавышы нечкә һәм югарырак була.

«Кадык» сүзе төрки телдән килгән һәм «каты» дигәнне аңлата. Аның «адамово яблоко» дигән атамасы исә Адәм оҗмахта алма ашаган һәм аның кисәге тамагына кысылып калган дигән риваятькә бәйле, диелә хәбәрдә.