«Бу юлы мөмкин кадәр сакланырга тырышам» - Замирә Рәҗәпова өченчегә бәби көтә
Алып баручы, режиссер, сценарист Замирә Рәҗәпованың Инстаграм битендә урнаштырган видеосыннан соң күпләр: «Бәби көтәсезме әллә?»,«Кызмы, малаймы?» дигән сораулар яудырды.
«Йөклелек — рәсми рәвештә дөньяга игълан итә торган яңалык түгел. Үзем дә, ирем дә моңа каршы. Ләкин эчем түгәрәкләнә башлаганны күпләр сизеп алды. Йөклелек чорының яртысын уздым.
Үземне яхшы хис итәм, Аллага шөкер. Ләкин табибым эшләргә рөхсәт итми, шелтәли. Аяз белән дә ахыргача эшләп йөрдем. Данил белән дә бала тудыру йортына сәхнәдән киттем. Бу юлы мөмкин кадәр сакланырга тырышам. Нигездә, эшебез онлайн форматта бара. Кызмы, малаймы икәне әлегә билгеле түгел. Кыз булыр кебек. Тик кем булса да, исән-имин тусын», — дип сөйләгән ул «Шәһри Казан» редакциясенә.