«Бу җырны күпләрегез хәтерлидер» – Гөлдания Хәйруллина яшьлектәге видеоязмасын күрсәткән
90нчы елларда бик популяр булган җырчы Гөлдания Хәйруллина шул еллардан истәлекле видеязмасы белән социаль челтәрдәге сәхифәсендә уртаклашкан.
«Күңел» радиосы оештырган «Безнең яшьлек җырлары» дигән концерт уңаеннан, шуңа туры китереп, яшь чактагы бер видеомны куям әле. Бу җырны күпләрегез хәтерлидер...
Телевидениедә диктор булып эшләгән Эльмира Хамматованы да хәтерлисездер әле. Ул һәр айда гороскоп буенча тапшыру төшерә иде. Бу тапшыруда кыз йолдызлыгы астында туганнар катнашты. Таныш кешеләрегез бармы?» – дип язган Гөлдания ханым.
«Бу җырны бик яхшы хәтерлибез, әлбәттә. Яшьлегебез җыры, 93нче елларга кайткан кебек булды», – дип комментарий калдырган берәү.
Тарихи видеоны сезгә дә тәкъдим итәбез.
Видео: Гөлдания Хәйруллинаның шәхси аккаунтыннан