«Бу җырны башкарырга хакыгыз юк» – «Башкирская домохозяйка» Хәния Фәрхинең җырын җырлаган
«Башкирская домохозяйка» сәхифәсе белән танылган Башкортстан блогеры «баттл» биремен үти. Ул башына кәстрүл киеп, кеше күп йөри торган урында «Әлдермешкә кайтам әле» җырын башкара.
Әмма легендар җырчы Хәния Фәрхинең иҗатын яратучылар аның бу гамәлен ошатмаган. Блогерның язылучылары үзара әңгәмә корган:
– Хәния ул – кабатланмас легенда, аның җырыннан көлү – урынсыз.
– Дөрес, легенда! Бу җырны җырларга хакы юк.
– Юктан тавыш чыгармагыз инде. Хәмер эчеп, өстәл артында җырларга ярый, әйеме? Ә болай юк, имеш. Позитив булырга кирәк.
– Җырчы вафат булгач, җыры да үләргә тиешме?
– Миллионлаган җыр арасыннан бу җырны сайлаган икән, куанырга кирәк. Димәк, җырчыны хәтерлиләр. Хәзер шул җыр исләренә төшеп, кабат тыңларлар. Бу, киресенчә, яхшы күренеш.
– Җырчыны искә алганда, башка кәстрүл киеп, яраткан җырчының җырларын башкармыйсың. Димәк, максат җырчыны искә алу түгел…
«Булмаган җырдән пычрак эзлисез», – дип җавап биргән язылучыларына блогер.