«Бу синең чынмы соң?» - Әбри Хәбриев мускуллары белән мактанган
Татар эстрадасының юмор остасы мускулларын күрсәтеп фотога төшкән.
Татар эстрадасының юмор остасы Әбри Хәбриев мускулларын күрсәтеп төшкән фотосын куйган. Әмма үз мускуллары буенча шикләнүләре бар бугай. Фото янына диалог та язган:
Мускулмы бу?
Юк!
Ә нәрсә?
Мыскыл!
Юмор остасының виртуаль дуслары шаккаткан смайликлар тезгән һәм комментарийлар калдырганнар:
«Шварценеггер кырыйда торсын!», «Ботка ашагансың син», «Әбри Вандамович», «Мускулга охшаган», «Бу - талант!», «Тиздән Дөбер-Шатырны куып җитәсең, күп калмаган», «Хәтта җилкән дә кабарган».
Ниндидер Фәрит турында да сүз куертканнар: «Фәритнең мускулы тазаракмы, синекеме?»;
«Фәрит тоташ мускулдан гына тора ул», — дип җавап биргән Әбри Хәбри.
«Бу синең чынмы соң?» — дип шикләнгән берәү.
