"Бу кызны тынычландырыгыз!" Чаллыдагы Яңа ел корпоративында халык өелешеп сугышкан - видео
"Бу кызны тынычландырыгыз!" Чаллыдагы Яңа ел корпоративында халык өелешеп сугышкан - видео
Чаллыдагы "Автостекла" компаниясе хезмәткәрләре шәһәр кафеларының берсендә бәйрәм иткәндә сугыша башлаганнар. Сугышта ирләр генә түгел, хатын-кызлар да бик актив катнаша. Видео социаль челтәрләрдә таралды.
Бер ирнең башына шампанский шешәсе белән сугалар, бәхеткә, шешә ватылмый.
Корпоративны алып баручы сугышучыларны тынычландыра алмый. Аптырагач, ул кызларга мөрәҗәгать итә: "Кызлар, үзегезнең кызлар икенегезне онытмагыз!" Аннары ул аерым сугышучыларны тынычландырмакчы булып: "Бу кызны тынычландырыгыз!" - дип мөрәҗәгать итә. Ул кызны "тынычландыру" да сугышка әйләнә.
Аптыраган алып баручы: "Ял итә белмәсәгез, ял итмәгез", - ди.
Chelny-biz.ru сайты язуынча, бу көнне кафеда берничә компания, шул исәптән, адвокат конторасы да ял иткән. Сугыш шушы ике компания вәкилләре арасында чыга. Газета язуынча, кунакларның берсе "чит өстәлдәге" кияүдәге хатынга бәйләнә башлый. Аңа кисәтү ясыйлар, ул сугышка әйләнә.
Кафе администрациясе полиция чакырган, алар килгәнче гаеплеләр качып өлгергән. Тикшерү бара.